Ada Lavleys tarixdagi birinchi programmist ayol hisoblanadi. Dasturlashtirish olamidagi eng mashxur shaxslardan biri. O'nlab dessertatsiya yozgan olimlar erisha olmagan natijaga Ada 50 betlik maqolasi bilan erishgan. Ada Lavleys 1815 yili 10-sentyabrda Londonda tug'ilgan. Uning otasi Jorj bayron mashxur ingliz klassiklaridan biri bo'lgan. Adaning birinchi ismi Avgusta bo'lgan. Otasi  Avgustani o'z opasining ismi bilan atagan. Lekin Ada 1 oylik vaqtidayoq onasi bilan ajrashgan va qaytib Adani ko'rmagan. Adaning onasi matematika juda yaxshi ko'rgan va qiziga ham shuni singdirgan.

   17 yoshida mashxur matematik va fizik prefessorlar bilan tanishgan, ta'lim olgan. Oilasi taniqli va o'ziga to'q bo'lganligidan Adaning iqtidoriga yaxshi etibor qaratishgan, doim o'qitishgan. 20 yoshida 29 yoshli insonga turmushga chiqqan, turmush o'rtog'i uni qiziqishlarini qo'llab-quvvatlagan. Eri oilasini yaxshi ta'minlagani bois Adaning fan bilan shug'ullanishga vaqti ko'p bo'lgan. 4 ta farzandning onasi bo'lib, doimo yaxshi turmush o'rtoq, mehribon ona va qiziqarli suhbatdosh bo'lgan. 

  Ada 17 yoshida Kembridj universiteti professori Charlz Bebbidj bilan tanishib qoladi va fan bo'yicha baxslari bilan qalin do'st bo'lib qolishadi. Turmush qurganidan so'ng ham suhbatlashishni davom ettiradi. Birgalikda ilmiy ish olib borishadi. Uning analitik mashinasini yaratishda yordam beradi. Ammo Luidj Menabrening asarini tarjima qilgani va unga yozgan kommentariyasi uning hayotidagi eng katta yutug'i bo'ladi. 

   Mazkur ishida o'zi bilmagan holda salkam kompyuter programmasini tuzadi va kommentariyasida kelajakda har qanday qiyinchilikni amalga oshiradigan mashina bo'lishligi haqida yozadi. Mashina qo'shiq yozadigan, rasm chizadigan, fanga yo'l ko'rsatadigan mashinalar kashf etilishligi haqida ham aytib o'tadi. Kasallik tufayli 36 yoshida vafot etadi.

  Ada Lavleys sharafiga AQSH qo'mondonligi tomonidan asosiy dasturlash tili bo'lgan ADA tiliga nomi beriladi. Hozirda AQSH va Nasa qurolli kuchlarida ishlatiladi.

  Alabama va Oklaxome shtatlaridagi shaxarchalarga va hattoki kollejga uning  nomi qo'yilgan.

Fiveplus ma'lumotlari asosida tayyorlandi.